مشكلة الاعجاب بصفحات كتير جدا

نسخ الصفحات
فى ناس كتير بتشتكى دلوقتى من انها بتلاقى نفسها فى صفحات كتير هى متعرفهاش.. وفى الاغلب الصفحات دى بتبقى فيها حاجة مشتركة 
"سواء اسم الصفحة او صورة البروفيل الخاصة بالصفحة" .. والمشكلة الاكبر ان عدد الصفحات دى بيبقى كتييييييييييير جدا ... هو ايه الموضوع؟!!!

فى حاجة اسمها "نسخ الصفحات"
دى الطريقة اللى بتستخدم معاك "بدون علمك" فى انها تزودلك صفحات انت مش عاملها اعجاب وفجاة تلاقى نفسك معجب بمئات الصفحات.
مين اللى بيعمل كده؟
احد الصفحات اللى انت عاملها Like هو اللى بينسخك فى صفحات تانية.
هل الفيس بوك موافق على كده؟
مبدئيا الموضوع ده بيتم من الفيسبوك بشكل رسمى "فى حالة انك هاتعمله لصفحة واحدة" .. يعنى انا مثلا عندى صفحة انت معجب بيها ..وانا قررت اعمل Re-Branding واعمل صفحة جديدة ...فممكن انقلك بما انك عامل اعجاب بصفحتى القديمة... فالفيس بوك بيقدم طريقة لكده... لكن للاسف احنا بنستخدم التاتش بتاعنا ونعمل بيها اكتر من صفحة..دا طبعا ضد سياسة الاستخدام الفيس بوك .. بس دى حتى الان "ثغرة فى الفيس بوك" لم يتم حلها حتى الان.

بيعمل كده ازاى؟
ممكن تتفرج على الفيديو ده "احد الاشخاص" بيشرح الطريقة؟



بيستفيد ايه؟
للاسف معرفش "ياريت اللى يعرف سبب مقنع يقولى " ..حتى هتلاقى الشخص اللى بيشرح الطريقة بيقولك انها غير شرعية وممكن تقفلك الصفحات كلها.

طيب انا ممكن اعمل ايه؟
المفروض تخرج نفسك من "الصفحة الاصلية" اللى بيتم نسخك منها..لانك كل ما هاتشيل نفسك من الصفحات الجديدة ..هتلاقى نفسك فى صفحات تانية..لازم تقضى على اصل الموضوع ده وتعمل الغاء اعجابك من الصفحة اللى بيتم نسخك منها.

اعرف ازاى الصفحة دى؟
للاسف معرفش طريقة واضحة بس ممكن اقولك طريقة ممكن تساعدك
1-افتح صفحتك الشخصية على الفيسبوك ..مثلا انا صفحتى
https://www.facebook.com/Secrets.Problems.Solving.solutions
2-اسمح الـ www واكتب بدل منها graph علشان تبقى بالشكل ده 
https://graph.facebook.com/Secrets.Problems.Solving.solutions
3-هتلاقى حاجة اسمها "id" قدمها رقم ..قم بنسخ الرقم ده
4- اكتب الرابط ده فى المتصفح
https://www.facebook.com/browse/fanned_pages/?id=XXXX
5- امسح XXXX واكتب بدل منه الرقم الخاص بيك ودوس Enter
هايظهرلك كل الصفحات اللى انت معجب بيها ...امسح اى صفحة انت مش فاكرها او شاكك فيها ... امسح الاول الصفحات القديمة اللى انت معجب بيها لان واحدة منهم هى اللى بيتم نسخك منها ..وبعدين ابقى امسح الصفحات الجديدة اللى اتعملك فيها نسخ

دى اقرب حاجة ممكن تساعدك فى الموضوع ده ..بس لو تعرف طريقة افضل ياريت تشاركنا بيها 

شير البوست دا مع اى حد بيشتكى الموضوع ده 
التالي
« Prev Post
السابق
Next Post »

1 التعليقات:

Write التعليقات

التسميات

أقسام المدونة :